..محاوره بين الشاعرين.. //غالب المطيري.. //عبدالله الجحافي..




غالب:
سلام الله سلامن ياصل الاجناب والاقراب 
سلامن من هجوسي والقصايد ضوها بادي 
أنا ذا الليل حاضر بينكم بفتل الاشناب 
وانا خابر حضوري عندكم ماظنتي عادي

عبدالله: الا يامرحبا والبيت مايبنى بدون اطناب
بدا قافك وانا جاهز وله شاعر وقصادي
غيابك من حضورك والحضور يصير مثل غياب
لكن ابدع بقافك قبل انا احدرك وادي


غالب:
يدوم الك البقى ياشاعرآ مالي عنه مجناب 
وأنا لامن نويت الخصم يسري فوقه شدادي 
حضوري من ذهب وانته حضورك يغتشيه ؟؟؟؟تراب
ألا ياطيب حظي رحت ماأحدن عنك نشادي

عبدالله:
الا ياصحابي الشعار كفو عني اللعاب
قبل لا اكويه انا ويطيح فوق الارض متحادي
عساه اللي تقوله في عيونك يالسان الداب
الا ياقشر حظك يالمطيري قمت بعنادي

غالب:
أنا ماظنتي لك صحبتن تسمعك يالنصاب 
ولكن غن معنا لين يفنا صوتك الشادي 
تحصلت الحصيل ولا بقى ياكود فرس الناب 
وبدفن جثتك صوب الشمال بحل  الاكرادي

عبدالله:
انا اصحابي كثير وبعضهم موجود ياكذاب
ابا اغني معك لوكان مثلك عشرة افرادي
بغيت انتف اذانيك الصغيره وامسك المشعاب
يجيك الضرب مني لين صرت تصيح وتنادي

غالب:
أنا اعرف صحبتك من ضمن ناسن تقفل الابواب 
ليا من جالهم طرقي يروح ولا لقا زادي 
تبا تصعب عليك ولا تجيني ياشبيه غراب 
الا ياويل حالي تهرج الاقزام وتعادي

عبدالله:
حشى والله انا اصحابي بعالي قمة المرقاب
يذبحون السمان وكل ابوهم ناسن اجوادي
ترفق وارحم بحالك نضدك ياشبيه كلاب
ترانا للفضا والكون نسبح له وروادي

ليست هناك تعليقات :

إرسال تعليق

الاشتراك في: تعليقات الرسالة ( Atom )

جميع الحقوق محفوظة لموقع ©الشاعر عبدالله الجحافي

تصميم : مصطفى صلاح