شفت انا مزيون ماله لا شبيه ولا وصيف
بوعيون سود تسحرنا وابوخداً رهيف
ويش أقول ويش اوصّف يالطيف ويالطيف
يرحم الله حال من قلبه تولع في هواه

ادعج العين نور العين ابوخصراً هضيم
احلف الله مانظرت اللي سواته في الحريم
لي نهب قلبي وخلا حالتي حالة سقيم
هو غذا روحي وأشوفه هو حياتي في الحياه

في جماله الله اللي ميزه أعن البشر
ليتني دايم معه في صبح والا في عصر
كان والله مابقى في خاطري اية كدر
لن قلبي ياعرب هو الوحيد اللي بغاه

الهجر علة تراها مايداويها الطبيب
مايداويها سوا برجوع هذاك الحبيب
يوم من الأيام يظهر واغلب المدة يغيب
بس انا جهزت نفسي ودي أسير جداه

صوب دار الخل انا حثيت نية للمسير
ارتحل وآصل دياره في مسا وقت العصير
وانشده وآخذ علومه ياعسى وضعه بخير
والمحبة تجبر العشاق في درب الطغاه

في ختام الجيل يالله طالبك حسن الختام
في نهارا يعجز الانسان عن نطق الكلام
والصلاة على النبي اللي مشرف في المقام
ياعسانا كل واحد ربنا يحصد رضاه

معلومات المدونة

المشاركات الشائعة