تركي:-

سلامي بقافن ينتصر كل مايغير
يهابون اهل الشعر تعرف مضاريبه

الا يالجحافي قوم من دون تقصير
ابسري بمقصودي ولاشك ابحريبه

عبدالله:-

هلا مرحبابك عد ما يوم غرد طير
وصل قافك اللي يالمطيري تغني به

انا قمت يالله عساها تكون بخير
وكانه طرالك شي ياصاحبي جيبه

تركي:-

يدوم البقاء في الشعر وامن امطير
على الشاعر اللي تو جتنا تعاريبه

ابنشد ابن حمد عن اللي غداء فالبير
عسى العلم عنده ماتجي يمه الريبه

عبدالله:-

اذا سلتني يجيك ردي بلا تاخير
اجاوبك واللي لي لفى منك أهليبه

علومي تجيك ولا لحقها ابد تزوير
وبيرك ترانا يالمطيري مشاريبه

تركي:-

انا يوم شفت اسمك عطيت التباشير
تقول اني بحلم وعلى نفسي احكيبه

نحد بحليقك مثل حد الجوافير
ياشيب الجحافي كان غاوي وشيبه

عبدالله:-
ليا شفت اسمي صف عند الطوابير
تراني اشوفك مثل مشعاب وأوميبه

انا من قبيله كل ابوها مناعير
حلال العدو في حزة الحرب نسري به

تركي:-
ترفق على نفسك وبالهون ياطير
ترى بنتف جناحك وابكوي مجاذيبه

انا من زحول القوم ياجهل التعبير
ليا اوحيت ذكر امطير هود لا تسريبه

عبدالله:-

انا في طريقي يالمطيري بهون اسير
ترى بقطع لسانك وفي الحوش ارمي به

وحنا ترانا ياتريكي خوال الزير
زحاحيل قومن خصمنا جاته مصيبه

تركي:-

الا ياجماعة خير وش ذا الولد ياخير
يرز الخشم واظاهر انه مابسريبه

ابا اصخره واثني عليه البواكير
يالين يخضع ليه ومثلي مايزريبه

عبدالله:-

ارز الخشم والراس مرفوع ي بن مطير
وهذا الوهيبي باتحذفك لواهيبه

يتركي ولد زايد اشوفك ف عيني صغير
وانا ما خضع الا لربي واماريبه

تركي:-

ترى اللي تشوفه صغير يابو حمد خطير
يلاعب عقول الناس يالين يغويبه

وبما انك العاقل براسك تدابير
توافقني برايي ومشعابي اهويبه

عبدالله:-
اجل انت ياتركي اشوفك بعيني كبير
عسى مازعلت يالله عسى ربي يغيبه

معلومات المدونة

المشاركات الشائعة