السعودي العوني يحاور العماني الجحافي
محاوره بين :الشاعر ( فايز بن عامر العوني ) والشاعر ( عبدالله بن حمد الجحافي )
الشاعر ( فايز العوني )
ياعبدالله صباح الخير الك والساكنين اعمان
اقوله من غلات اعمان والي ساكنن فيها
قبل لاتطلع الشمس اذكر الله والعن الشيطان
ترى حاضر سنينك ماتعلم ويش ماضيها
الشاعر ( عبدالله الجحافي )
صباح النور يافايز ولك وسط الصدر بنيان
محبة من صميم القلب نحفظها ونغليها
انا مهديني الله واشكر الله خالق الانسان
واعرف اللي سلكته والبيوت الصم نبنيها
الشاعر ( فايز العوني )
عطيناكم عهودن ماعطيناها هل الشيشان
واثركم ناس ماتربطكم العهده وطاريها
ياليتك قبل تهرج عارفن وش نعمه النسيان
تماري بالحقايق وانت ماتعرف مباديها
الشاعر ( عبدالله الجحافي )
انا يافايز العوني معندي للكذب ميدان
وعهدا" من عيال سعود لاجانا نحييها
ترفق وارحم بحالك ترانا للخصم عدوان
ترا كلمتك راجعها قبل ياصاح ترميها
الشاعر ( فايز العوني )
انا ما اداني انكر راعي المعروف مهما كان
ولا ارضى غلطه الغلطان لو انه يباريها
تقوله وانت لاراضي علي ولا انته ابزعلان
شعيل اليا تزوزى بالحموله لايوطيها
الشاعر ( عبدالله الجحافي )
وانا ماني من اللي يكتبون الحق بالنقصان
ولا ارضى كذبة الكذاب لو انه يحليها
اظن ان الحقيقه واضحه ونثبت البرهان
شعيل ان شال حمله لازم انه لا يثنيها
الشاعر ( فايز العوني )
اردك للصواب ولاتبيه الله من الحرمان
على قول المثل من له طبيعه مايخليها
لوانك دارسن في مدرسه امعاويه سفيان
عرفت احقوق بيضان الوجيه الي اتماشيها
الشاعر ( عبدالله الجحافي )
طبيعتنا الكرم والطيب والتقدير والاحسان
تراك اصبحت يافايز محامحيها حراميها
تكفينا مدارسنا ونشكر ربنا الرحمان
ومن له حق مابيضيع لو طال العمر فيها
الشاعر ( فايز العوني )
بعد ماجاتك الاخبار رح يالطرقي العجلان
تغانم طرقتك والدار لاتمسي مماسيها
بعدها لادريت انك بفعلك مخطي وغلطان
تعال اصرف لك علاج الجروح الي يداويها
الشاعر ( عبدالله الجحافي )
عرفنا مقصده واللي نوابه شاعر المطران
اسميها وانا مدري وش اللي انته تسميها
لزوم اللي غلط يعطي من اللي سببه سمحان
وانا ماني بمعصومن عن الغلطه وبلاويها
سهم : آلصحآرين ★
ليست هناك تعليقات :
إرسال تعليق