الا يالدين العود عودك مجنني
ترفق بحالي لا تزايد بالاعواقي

خدودك حبيبي منصف الليل يعشني
ونورك يسريني بلا ضؤ وآفاقي

جمال الطبيعه فيك يازين متبني
ذبحني جمالك والسبب حسنك الراقي

أنا بنشدك وشفيك قلي تعذبني
تجاسي ضميرك وانت ماتعرف الباقي

أنا في تلاي الليل أصيح وا أوني
سبح بي غرامك وانت ذوقي وخفاقي

دخيلك دخيلك لا تخيب بي الظني
ترا العمر لأجلك يامنى الروح ينساقي

تضايقت يوم انك تبي تبتعد عني
وإذا كنت قربي يالغلا القلب ماضاقي

تسافر وانا ماني على النوم متهني
محبك على لقياك يازين مشتاقي

معلومات المدونة

المشاركات الشائعة