ياصاحبي لا تدور غلطةً مني
أشوفك انك تحاول تبعد ابعادي

أنا اقترب منك وانته تبتعد عني
قلي علامك كذا يامهجة فوادي

أنا اشهد انك مخيب فيني الظني
لا تستمع في محبك قول حسادي

محبك اللي على شوفتك متمني
لا غاب وصلك قطعت النوم والزادي

أرجوك تكفى دخيلك لا تعذبني
خلاص مالي صبر والصبر مافادي

أعطيتك الحب كله والوفا مني
أعطيتني بالمقابل هجر يزدادي

ياسيدي عود قبل انك تجنني
اسمع كلامي دخيلك يابن الاجوادي

كتبت فن الشعر وانته ترا فني
واقبل حروفاً لأجل عيناك تنقادي

هذا وتمت عدد صوت الرعد دني
وامطر وعم المطر في كل لبلادي

كلمات: عبدالله حمد الجحافي

معلومات المدونة

المشاركات الشائعة