هجوسي مثل برقاً تلايح مخايله
وانا لا كتبت الشعر بكتب مثايله

احد القوافي والمعاني مع الوزن
بدون الثلاث أكيد ماني بقايله

ولا من كتبته ودي اطرب المستمع
بعذبه وفنه والشعر من جزايله

وانا توي صغيرً ولكن من الزمن
عطاني جواباً دون ماني بسايله

وعلمني ان الوقت قاسي ولين
ويوماً تناله ويوم منته بنايله

وعز الخوي حذراك لا تزعل الخوي
خوياً كلامه بينه من فعايله

وحذراك لا تمزح كثيراً ترا المزح
بيرميك في درباً كثيره هوايله

وابنصح أنا اللي من يحب النصيحه
ترا الدين والإيمان مابه مثايله

عليك الصبر كان تبا الخير ياتي
ورباً خلقك تكون تطلب فضايله

ولا من نطقت بقول لا بد تعرف
كلامك بوزن وخل عندك دلايله

وإذا ربك انعم لك بنعمة تشكر
وخيراً معك منته الى القبر شايله

يروح الأهل والمال يبقى لك العمل
يكون الامر واحد ولا به محايله

يأما تكون بنار وإلا بجنة
وياغير هالثنتين مابه بدايله

عسى الله ياربي توفق من اهتدى
وتدخله في نعمه وماهي بزايله

كتبت الشعر هذا نصائح بسيطه
عساها تفيد النفس لن كان مايله

وهذا وتمت عد ما ينزل المطر
وصلو على من نقتدي ابفعايله

كلمات :عبدالله حمد الجحافي

معلومات المدونة

المشاركات الشائعة