غالب:

يالعماني دقت الساعه ودن الخطر
لا سلام ولا هلا والصدور مولعه
ظنتي ماأنته بشر ماأنت من نسل البشر
برسلك تحليل من شان نوعك نطلعه

عبدالله: العماني في اللقا تحت حرات الجمر
وانت شاعر بس الابيات ماهي مقنعه
هات علمك يالسعودي وقدم لي خبر
ودنا بين الخلايق هنيا نسمعه

غالب: أحتزم وقت اللقا وعلم النفس الصبر
عادة المطران بالخصم دايم تردعه
السعودي شايل براسه فنون السطر
وأنت راسك كل ليله هنيا نرقعه

عبدالله: ماني بمهتم منكم بدو والا حضر
خصمنا وقت الملاقا لزوم نسنعه
ياجماعة خير حفرو لصاحبكم قبر
ندفنه حنا ترانا بجنب المجمعه

غالب: مادرينا عنك تهتم ولا تنقهر
ودك العرق العماني بيدك تقطعه
أنحدر يم البلاد الشهيره وانحدر
والعلم لا جاك مطوي لزومن ترفعه

عبدالله: ياولد بنصحك لا تقرب الموت الحمر
لي قرب منا ترانا شوي نجربعه
دامني مرتاح وش هي ضرورات السفر
والجواب يجيك ياللي نويت تشمعه

غالب: أنت أشك أنك سهير ومدوخك السهر
مير وسد راسك المنتفخ ثم أشبعه
يالجحافي لك معزه ولك حب وقدر
ودنا ترتاح في دارنا وسط السعه

عبدالله: احمد الله مالحقني ابد اية كدر
واحدن شرواك مرات ودي اصفعه
الجحافي ماتهزه عواصيف الدهر
شايبن عاش بزمانه ودينه يقنعه

معلومات المدونة

المشاركات الشائعة