جريت انا في تالي الليل موال
من حرة في الصدرة شبت حراره

كله من اجل اللي هجرني ولازال
ذكره معي وامر بيته وداره

مرت ليالي وأقبلت لأجلي ليال
والمقبلة يالله عساها ستاره

ماعاد فيني حيل والصبر ماطال
أسهر وقلبي شب ف الجوف ناره

مشتاق اشوف اللي من الحسن جتال
تفاحةً غضة بدت في ثماره

وسط الخدود منقطة حبة الخال
خده رهيف ابيض وفيه احمراره

ذاب الحشا والجرح من داخلي سال
والجرح طبة مايبيله شطاره

طبة هضيم الخصر ابوعود ميال
اللي جرحني جرح لا وبغزاره

تكفى دخيلك لا تجاسي بذا الحال
طعم الفراق يشن في القلب غاره

ارجع وانا بفديك بالحال والمال
ياورد يابلور نورك مناره

وان رحت عني قمت أردد الامثال
خسارةً مابعدها من خساره

#عبدالله الجحافي

معلومات المدونة

المشاركات الشائعة